TAISPEÁNTAS | 'Comhráite Ciúine' le Niamh Mooney

Taispeántas Niamh Mooney

 Is céimí sna Mínealaíona mé ó Ollscoil Uladh agus speisialtóireacht agam i bpéintéireacht fhíorach. Scrúdaíonn mo shaothar an dinimic idir daoine aonair taobh istigh de spásanna baile, a bhfuil baint thraidisiúnta acu leis an bhanúlacht, ag gabháil cuimhneacháin phearsanta agus na scéalta taobh thiar díobh nár insíodh go fóill. Thug an gradam a bronnadh orm le déanaí - an dara háit sa Terry Bradley Art Prize - deis dom taispeántas a eagrú i Músaem an Titanic, in Oifig Feidhmiúcháin TÉ sa Bhruiséil, agus in Stormont.

Cuireann mo thaispeántas reatha, Comhráite Ciúine, portráidí de chairde i láthair, a léiríonn naisc phearsanta agus a thugann cuireadh don lucht féachana teacht ar a dtuiscint féin maidir leis na hinsintí caolchúiseacha sna radhairc éagsúla. Agus mé spreagtha ag ealaíontóirí lena n-áirítear Vermeer, Manet, Hopper, agus Matisse, dírím ar sholas, uigeacht, comhdhéanamh, agus idirghníomhaíocht patrúin agus datha. Tá na fíoracha i mo shaothar go hiomlán sáite ina dtimpeallacht, agus iad go minic dall ar an lucht féachana, rud a chruthaíonn suaitheadh síceolaíoch. Trí na saothair seo, tá sé mar aidhm agam téamaí na príobháideachta, an dlúthchaidrimh, agus chastachtaí na taithí daonna a dhúiseacht.