Sonraí Imeachta
| Dáta: Déar 7 Lún 2025 |
| Am: 19:00 |
| Costas: saor |
Is ealaíontóir teibí í Anna Marie Savage atá lonnaithe in Ó Méith, Contae Lú, agus a bhfuil go leor gradam buaite aici. Bhain sí céim sa Mhínealaín amach ag Ollscoil Uladh, áit inar shaothraigh sí Céim le Céad Onóracha in 2009. Cuireadh saothar dá cuid ar taispeáint ar fud na hÉireann agus an RA, agus bronnadh go leor leor gradam agus sparánachtaí uirthi.
Scrúdaíonn na saothair is déanaí léi, Uisce Salach agus Dríodar, na héifeachtaí tubaisteacha a bhaineann le dumpáil breosla mídhleathach ar éiceachórais áitiúla. Trína hanailís mhionsonraithe ar shamplaí uisce truaillithe ó Abhainn Átha Féan, Co. Lú, cuireann Savage ar ár súile dúinn na géarchéimeanna comhshaoil seo, rud a spreagann feasacht agus gníomhaíocht. An comhoibriú s’aici le hOllscoil Leeds ar an togra seo, a chuimsíonn teorainn Mheicsiceo chomh maith, cuireann sé gné idirnáisiúnta le hiniúchadh Savage ar an díghrádú comhshaoil. In Uisce Salach agus Dríodar úsáideann sí an ealaín chun an eolaíocht, an éiceolaíocht agus an gníomhaíochas a tharraingt le chéile.
“Braithim gur mór an phribhléid dom agus cuireann sé bród orm an saothar seo a chur ar taispeáint sa Chultúrlann. Mar dhuine a bhfuil grá agam don Ghaeilge agus a bhfuil muinín agam aisti, mothaím go bhfuil sé thar a bheith cuí taispeántas a chur i láthair in áit a ndéanann ár gcultúr agus ár n-oidhreacht a cheiliúradh. Tá na pictiúir seo fréamhaithe i dtalamh agus in uisce an oileáin seo – sin an áit is dual dóibh.” – Anna Marie Savage
