Anseo, gheobhaidh tú eolas maidir le aon fholúntas atá ar fáil le Cultúrlann McAdam Ó Fiaich.
OIFIGEACH AIRGEADAIS
Ionad bisiúil Gaeilge ealaíon agus cultúir í Cultúrlann McAdam Ó Fiaich atá lonnaithe i gcroílár Cheathrú Ghaeltachta Bhéal Feirste. Bíonn breis is 100,000 cuairteoir againn gach bliain agus tá eagrais éagsúla Gaeilge eile suite san ionad fosta. Tá an tOifigeach Airgeadais freagrach as maoirseacht a dhéanamh ar bhainistíocht airgeadais san eagras, as tuarascálacha a ullmhú le cloí le ceanglais reachtúla, agus as a chinntiú go gcomhlíontar riachtanais airgeadais an eagrais.
Saoire bhliantúil: 36 lá, laethanta reachtúla san áireamh
Láthair: Cultúrlann McAdam Ó Fiaich, le rogha na cianoibre ó am go chéile
Achoimre ar na príomhdhualgais agus príomhfhreagrachtaí
- Bainistíocht éifeachtach airgeadais a dhéanamh agus seirbhísí riaracháin éifeachtacha a choinneáil.
- Taifead agus monatóireacht a dhéanamh ar ioncam agus ar chaiteachas uile an eagrais.
- Rialuithe, córais, polasaithe agus gnáthaimh airgeadais a fhorbairt agus a chur i bhfeidhm.
- Réiteach bainc a dhéanamh ar bhonn míosúil.
- Tuarascálacha a chur ar fáil don eagraíocht faoi choinne maoinitheoirí agus páirtithe leasmhara eile.
- Cuntais bhainc na heagraíochta a bhainistiú.
- Iniúchadh inmheánach a dhéanamh, agus teagmháil a choinneáil le hiniúchóirí seachtracha agus a gcuid riachtanas a gcomhlíonadh.
- Baill eile foirne a oiliúint de réir mar is gá maidir le gnáthaimh airgeadais.
- Maoirseacht a dhéanamh ar chonarthaí agus ar phraghsanna a bhaineann le bainistiú agus soláthraithe áiseanna.
- An párolla a phróiseáil.
Critéir Riachtanacha
- Ardchaighdeán Gaeilge idir labhartha agus scríofa.
- Tiomantas don Ghaeilge agus do luachanna agus do mhisean Chultúrlann McAdam Ó Fiaich.
- Cáilíocht i réimse na cuntasaíochta, mar shampla teicneoireacht chuntasaíochta, leabharchoimeád, cuntasaíocht bhainistíochta.
- Ardscileanna uimhearthachta, airgeadais agus anailísithe sonraí.
- Taithí ar leabharchoimeád agus ar ullmhú tuarascálacha airgeadais cuideachta.
- Ardscileanna TF, mar shampla Microsoft Word, PowerPoint, Excel agus bunachair sonraí.
- Taithí ar chórais airgeadais agus párolla ar ríomhaire.
- Eolach ar na healaíona agus ar chúrsaí Gaeilge, le suim mhór iontu.
- Duine a bhfuil sé de chumas acu bheith ag obair as a stuaim féin agus mar bhall foirne.
- Scileanna éifeachtacha cumarsáide (labhartha agus scríofa).
- Scileanna den scoth maidir le pleanáil, bainistiú ama agus eagrúchán agus aird ar mhionchruinneas.
- Dearcadh dearfach, socracht in am brú agus an cumas freagairt go stuama ar cháineadh.
- Scileanna taidhleoireachta agus réitithe fadhbanna.
Critéir Inmhianaithe
- Taithí ar dhaoine aonair, ar fhoirne agus ar oibrithe deonacha a bhainistiú.
- Ceadúnas tiomána agus rochtain ar charr nó rochtain ar mhodh fóirsteanach iompair a éascóidh comhlíonadh riachtanais an phoist.
Tá cur síos sonrach ar an phost le fáil ag barr an leathanaigh nó trí theagmháil a dhéanamh leis an Chultúrlann:
odhran@culturlann.ie
028 9096 4180
Cultúrlann McAdam Ó Fiaich, 216 Bóthar na bhFál, Béal Feirste BT12 6AH
Spriocdháta: Iarrtar ar iarrthóirí CV a chur chuig odhran@culturlann.ie faoi 12pm Dé Luain, an 3ú Dheireadh Fómhair 2022
