Físealaín

Tim Franco: Unperson | Teifigh ón Chóiré Thuaidh

03/06/21 - 30/07/21

Sa leabhar ‘1984’, le George Orwell, is ionann ‘unperson’ agus duine a fuadaíodh, duine ar scriosadh gach tagairt a ndearnadh riamh dó. Ar an dóigh chéanna, na teifigh sin ón Chóiré Thuaidh, a léiríonn an grianghrafadóir Francach-Polannach Tim Franco, chinn siad imeacht leo, ag teitheadh in amanna ar chúiseanna idé-eolaíocha, agus go minic mar gheall ar an éadóchas.

Tá an bóthar go dtí an Chóiré Theas contúirteach agus féadann an turas blianta a thógáil, thar na teorainneacha éagsúla leis an Mhongóil, Laos, an Téalainn agus an tSín. Líontar taisteal na ndaoine a dhéanann é leis an eagla go ngabhfar iad agus go seolfar ar ais chuig campaí oibre iad. I ndiaidh dóibh an Chóiré Theas a bhaint amach, is minic a bhíonn sé deacair orthu féiniúlacht nua a aimsiú; agus iad caillte idir an t-am a chaith siad sa Chóiré Thuaidh agus a dtodhchaí sa Chóiré Theas.

Leis an t-aistriú dochreidte sin a léiriú, úsáideann an grianghrafadóir Tim Franco ábhar analógach nach bhfuil in ainm a bheith ann: claonchló polaroid a nochtar trí shraith d’íonaithe ceimiceacha, agus rud éiginnte neamhfhoirfe mar thoradh air go minic. D’fhonn conairí na dteifeach a aisghabháil, thaistil Franco go dtí na pointí trasnaithe inar éalaigh siad, agus é mar aidhm aige éagsúlacht an tírdhreacha atá mar chúlra an teifigh ón Chóiré Thuaidh a ghabháil.

Is grianghrafadóir Francach-Polannach é Tim Franco a rugadh i bPáras in 1982. In 2005, bhog sé go dtí an tSín áit ar thosaigh sé ag doiciméadú uirbiú dochreidte na tíre agus a thionchar sóisialta agus é ag comhoibriú le nuachtáin lena n-áirítear Le Monde, an Wall Street Journal agus an New York Times. In 2015, d’fhoilsigh sé a chéad Mhonagraf – Metamorpolis – toradh ar chúig bliana d’obair ar imircí tuaithe sa chathair is gasta a ndearnadh uirbiú uirthi ar domhan: Chongquing. In 2016 bhog Franco go dtí an Chóiré Theas áit ar thosaigh sé ag obair ar thogra fadtéarmach faoi theifigh ón Chóiré Thuaidh.